On 19 July 2025 the Holy Father appointed His Eminence Cardinal Crescenzio Sepe, archbishop emeritus of Naples, as his special envoy to the celebration of the 650th anniversary of the creation of the Metropoly of Halych (subsequently Lviv of the Latins) of the Roman Catholic Church of Latin rite, to be held in Lviv, in the Cathedral of the Assumption of the Blessed Virgin Mary, on 6 September 2025.

The special envoy will be accompanied by a Pontifical Mission, composed of the following ecclesiastics:

1. The Reverend Msgr. Andrzej LEGOWICZ, special secretary of the Archbishop of Lviv of the Latins;

2. The Reverend Don Roman BRODA, lecturer at the Metropolitan Seminary and head of the Liturgical Office of the archdiocese of Lviv of the Latins.

Letter of the Holy Father

Venerabili Fratri Nostro

Crescentio S.R.E. Cardinali Sepe

Archiepiscopo emerito Neapolitano

“Ipsam Ecclesiam Haliciensem in Archiepiscopalem seu Metropolitanam erigimus, statuentes, quod eaedem Primisliensis, Laudimiriensis et Chelmensis Ecclesiae dictae Haliciensis Metropolitanae Ecclesiae sint perpetuo suffraganeae et Metropolitico iure subiectae, privilegiis, indultis, constitutionibus et consuetudinibus contrariis non obstantibus quibuscumque” - his sane verbis Praedecessor Noster Gregorius PP. XI per constitutionem Apostolicam Debitum pastoralis officii circumscriptionem ecclesiasticam Haliciensem ad dignitatem Ecclesiae Metropolitanae anno MCCCLXXV evexit. Quandoquidem hoc tempore iam DCL anniversaria memoria huius eventi celebratur in Archidioecesi Leopolitana Latinorum, quae vera heres illius est, Archiepiscopus Metropolita eius, Venerabilis Frater Miecislaus Mokrzycki, humanissime rogavit, ut ad istam iubilaei memoriam celebrandam adque fidem roborandam inter fideles huius regionis, Nos Patrem Purpuratum eligeremus, qui hoc in fausto eventu personam Nostram gereret.

Ad te, ergo, Venerabilis Frater Noster, animum Nostrum convertimus, cui hoc opus magni ponderis committere decernimus. Idcirco, harum Litterarum virtute, Te MISSUM EXTRAORDINARIUM NOSTRUM nominamus, mandatis tibi facultatibus, ut nomine Nostro Leopoli die VI proximi mensis Septembris Missae celebrationi in DCL anniversariam memoriam evectionis sedis Haliciensis ad gradum Metropolitanae Ecclesiae praeesse valeas. Spiritualem Nostram dilectionem atque proximitatem hoc in difficillimo tempore, in quo Ucraina versatur, cunctis christifidelibus atque hominibus bonae voluntatis ibi congregatis renunties ac omnes ad praeceptum adhortaberis caritatis diligentiore etiam modo tum in familiis tum publicis in adiunctis servandum, necnon ad vivam spem christianam cotidiana in vita colendam et in fine a Deo optatum donum pacis perdiligenter petendum.

Missionem porro tuam comitetur valida intercessio Beatae Mariae Virginis, Matris Ecclesiae, necnon plurimorum sanctorum beatorumque huius terrae. Tibi, denique, Venerabilis Frater Noster, Benedictionem Nostram Apostolicam, caelestis gratiae auspicem atque propensae Nostrae voluntatis testem, in primis impertimur quam utriusque ritus catholicis Episcopis, sacerdotibus, religiosis viris et mulieribus, christifidelibus laicis, civilibus Auctoritatibus omnibusque iubilaris laetitiae participibus nomine Nostro largiaris volumus.

Ex Aedibus Vaticanis, die VI mensis Augusti, in festo Transfigurationis Domini, Anno Sancto MMXXV, Pontificatus Nostri primo.

LEO PP. XIV